Free Tokan Yantra Yojana:- आता पावसाळ्याचे दिवस सुरू झाले आहेत, सोबतच पेरणीचे सुद्धा दिवस चालू झाले आहेत. पेरणी ज्या शेतकऱ्यांची वेळेवर होते, त्यांना वर्षभराचे व्यवस्थित नियोजन साधता येते. सोबतच भरघोस उत्पादन सुद्धा होते. मात्र गावांमध्ये ज्या शेतकऱ्यांकडे ट्रॅक्टर आहेत, ते आधी स्वत चे शेत पेरणी करुन घेत असतात. त्यामूळे लहान आणि अल्पभूधारक शेतकऱ्याना मात्र पेरणी करण्याठी विलंब होतो.
याचा तोटा त्यांच्या उत्पादनात होतो. तसेच कधी कधी तर पाउस नसल्यामुळे आणि लेट पेरणी होते आणि तेवढ्यात पाउस सुद्धा धडी मारतो. आणि मग परत शेतकऱ्यांना पेरणी करावी लागते. अर्थात डबल खर्च होतो. अशी परिस्थिती शेतकऱ्यांवर येऊ नये, याकरिता राज्य शासनाने free token yantra Yojana सुरू केली आहे.
फ्री टोकन यंत्र योजना महाराष्ट्र:-फ्री टोकन यंत्र योजनेची संपूर्ण माहिती
शेतकरी बंधुनो:- free token yantra Yojana:-ही योजना महाराष्ट्र शासनाच्या कृषी विभागांतर्गत राबवली जाते. राज्यातील छोट्या आणि गरजू शेतकऱ्यांसाठी ही योजना कुठल्याही वरदानापेक्षा कमी नाही, कारण शेती करत असताना सर्वात महत्त्वाचा भाग हा पेरणीचा असतो. जर पेरणी ही वेळेवर आणि योग्य पद्धतीने झाली तर वर्षाच्या शेवटी उत्पन्न सुद्धा वेळेत आणि चांगले होते. योजनेचा लाभ घेण्यासाठी महाडीबीटी पोर्टलवर कृषी यांत्रिकीकरण सोबत ही सुद्धा योजना सुरू केली आहे. या योजनेमार्फत पात्र लाभार्थ्याला जास्तीत जास्त दहा हजार रुपयांचे अनुदान दिले जाणार आहे.
योजनेचा उद्देश
गरीब आणि अल्पभूधारक शेतकऱ्यांना या योजनेमार्फत आर्थिक मदत दिली जाते. शेतकऱ्यांचे उत्पादन वाढवण्यास मदत करणे, तसेच तरुण पिढीला सुद्धा शेती करण्याकरता प्रोत्साहित करणे.
योजनेची पात्रता व निकष
शेतकरी हा महाराष्ट्राचा रहिवासी असावा. अर्जदाराच्या नावावरती स्वतःच्या नावाने शेतजमीन असावी. याआधी free token yantra Yojana या योजनेचा लाभार्थी नसावा. अल्पभूधारक शेतकऱ्यांना अधिक प्राधान्य दिले जाणार आहे.
योजनेसाठी लागणारे कागदपत्रे
- डिजिटल सातबारा उतारा
- आठ अ उतारा
- टोकन यंत्राचा टेस्ट रिपोर्ट
- यंत्राचे कोटेशन
- विक्रेत्यांचे डीलरशिप असल्याचे प्रमाणपत्र
लाभार्थी पात्र झाल्यानंतर लागणारी कागदपत्रे
- ओरिजनल बिल
- आरटीजीएस पावती
- डिलिव्हरी चलन
योजनेचे फायदे
पहिला फायदा तर शेतकऱ्यांना या योजनेमार्फत अनुदान स्वरूपात दहा हजार रुपयांची आर्थिक मदत मिळणार आहे. तसेच लाभार्थी वेळेवर आपल्या शेतामध्ये पेरणी करू शकेल, दुसऱ्यावर अवलंबून राहण्याची गरज पडणार नाही. मिळणाऱ्या टोकण यंत्राच्या साह्याने तूर, सोयाबीन, हरभरा यासारख्या अनेक बियाणांची पेरणी एकटा शेतकरी करू शकतो.
अर्ज भरण्याची पद्धत
free token yantra Yojana:-या योजनेचा अर्ज शासनाचे अधिकृत पोर्टल महाडीबीटी पोर्टलवर भरावा लागेल. त्यासाठी तुमचे त्या पोर्टलवर खाते असणे आवश्यक आहे. खाते नसेल तर तयार करून घ्यावे. पोर्टल वरती गेल्यानंतर कृषी यांत्रिकीकरण योजना वर क्लिक करून तुम्ही अर्ज करू शकता. अर्ज करताना सोबतच कागदपत्रे अपलोड करण्याची आवश्यकता नाही. जेव्हा तुम्ही पात्र व्हाल तेव्हाच सर्व कागदपत्रे अपलोड करावी लागतात.
निष्कर्ष
आता टोकन यंत्राचे टेस्ट रिपोर्ट सुद्धा सप्लायर्स आणि विक्रेता देऊ शकतात. त्यामुळे गरज आहे ते अर्ज करण्याची आणि टोकन यंत्र घेऊन आपल्या उत्पादनात वाढ करण्यासाची.
Leave a Reply